कुवेत — भाषा, संस्कार र संस्कृतिको संरक्षण किरातीहरूको साझा अभियान भन्ने मूल नारासहित स्थापना भएको किरात राई यायोक्खा कुवेत को चौथो अधिवेशनको सम्पूर्ण तयारी पूरा भएको छ।
अधिवेशनमा किरात राई यायोक्खा केन्द्रीय अध्यक्ष जीवन हातामो राई विशेष अतिथिका रूपमा सहभागी हुने निश्चित भएको छ। कार्यक्रमलाई सभ्य र भव्य बनाउन कुवेतस्थित सामाजिक तथा भ्रातृ संस्थाका प्रतिनिधि, समाजसेवी, बुद्धिजीवी, खेलाडी र पत्रकारहरूलाई निमन्त्रणा गरिएको छ।
अधिवेशन फेब्रुअरी १३, २०२६ का दिन राजधानी रेस्टुरेन्ट, खैतान मा बिहान १०:०० बजे सुरु हुनेछ।
