कुवेत खोटाङ कुवेत सम्पर्क मञ्चले नेपालबाट बहुचर्चित तथा ख्यातिप्राप्त कलाकारहरूको प्रस्तुति रहने दोस्रो सांगीतिक धमका आयोजना गर्ने निर्णय गरेको छ। कार्यक्रम २०८३ साल बैशाख ११ गते (२४ अप्रिल २०२६), शुक्रबार कुवेतमा आयोजना गरिने भएको हो !
संस्थाको २१औँ मासिक बैठक सम्पन्न भएसँगै उक्त निर्णय गरिएको हो। बैठक Asian Chula Nepali Restaurant मा संस्थाका अध्यक्ष श्री विष्णुप्रसाद भट्टराईको अध्यक्षतामा सम्पन्न भएको थियो !
कार्यक्रमलाई सभ्य र भव्य रूपमा सफल बनाउन कुवेतमा क्रियाशील सम्पूर्ण नेपाली संघ–संस्थालाई सोही दिन कार्यक्रम नजुधाइ दिन तथा सम्पूर्ण नेपाली दाजुभाइ तथा दिदीबहिनीहरूलाई गरिमामय उपस्थितिका लागि खोटाङ कुवेत सम्पर्क मञ्च परिवारले हार्दिक अनुरोध गरेको छ !
खोटाङेलीहरूको एकता, सांस्कृतिक पहिचान र मनोरञ्जनलाई प्रवर्द्धन गर्ने उद्देश्यले आयोजना गरिने यस सांगीतिक धमकामा उल्लेख्य सहभागिता रहने विश्वास आयोजकले व्यक्त गरेको छ !
