भारतको उत्तर प्रदेश स्थित प्रयागराजमा जारी महाकुम्भ मेला क्षेत्रमा सिलिन्डर विस्फोट हुँदा भिषण आगलागी भएको खबर छ। भारतीय सञ्चारमाध्यमका अनुसार, एनडिटिभीले सिलिन्डर विस्फोटपछि मेला क्षेत्रमा आगलागी भएको उल्लेख गरेको छ।
पालमा राखिएको सिलिन्डर पड्किएपछि आगलागी भएको र केही बेरमै १८–१९ वटा पाल जलेर खरानी भएको बताइएको छ। आगो नियन्त्रणका लागि धेरै दमकल परिचालन गरिए पनि आगो फैलिदै गएको छ।
