कुवेत सिटी। मध्यपूर्वमा विकसित पछिल्लो विषम परिस्थितिका बाबजुद मानवीय सेवाको भावनालाई आत्मसाथ गर्दै तमू समाज, कुवेतले आगामी मार्च २७ तारिख शुक्रबारका दिन ‘१०औं बृहत रक्तदान कार्यक्रम’ आयोजना गर्ने भएको छ ।
हाल मध्यपूर्वमा देखिएको राजनीतिक अस्थिरताका कारण समाजले आफ्नो पूर्व निर्धारित कार्यक्रम स्थगित गर्ने बारे छलफल गरिरहेको अवस्थामा यस्तै संकटको समयमा रगतको अभाव हुन नदिन र बिरामीको ज्यान जोगाउन सेन्ट्रल ब्लड बैंकले विशेष सक्रियता देखाउदै ब्लड बैंक प्रशासनले नागरिक तथा गैर-नागरिकहरूलाई रक्तदानका निम्ती आव्हान गरेको छ साथै ब्लड बैंक पूर्ण रूपमा सुरक्षित रहेको र कुनै व्यवधान बिना रक्तदान कार्य भइरहेको जानकारी गराएको छ अत: सेन्ट्रल ब्लड बैंकको विशेष अनुरोधलाई स्वीकार गर्दै तमू समाजले आफ्नो पूर्व घोषित मिति र समयमै कार्यक्रमलाई निरन्तरता दिने निर्णय गरेको हो ।
रक्तदानको महत्व र समाजको अपिल
रक्तदानलाई संसारकै सबैभन्दा ‘पुण्य कर्म’ र ‘महादान’ मानिन्छ। तपाइँले दान गरेको एक पिन्ट रगतले कसैको गुम्न लागेको अमूल्य जीवन बचाउन सक्छ। विशेषगरी आकस्मिक दुर्घटना, शल्यक्रिया र जटिल रोगका बिरामीहरूका लागि रगतको विकल्प केवल रगत नै हुन्छ ।
तसर्थ तमू समाज, कुवेतले यस मानवीय कार्यमा सहभागी हुन कुवेतमा रहनुभएका सम्पूर्ण नेपाली समुदाय, विभिन्न संघ-संस्थाका प्रतिनिधिहरू तथा शुभेच्छुक दाजुभाइ तथा दिदीबहिनीहरूमा हार्दिक अनुरोध गरेको छ।
कार्यक्रमको विस्तृत विवरण
१०औ बृहत रक्तदान कार्यक्रम
आयोजक: तमू समाज, कुवेत
मिति: २७ मार्च २०८२ (शुक्रबार)
समय: दिनको २:०० बजे देखी
स्थान: सेन्ट्रल ब्लड बैंक, जाब्रिया – कुवेत
अधिक जानकारीको लागी सम्पर्क:
अध्यक्ष: रन्जना गुरुङ (what’s app 67096377)
कार्यक्रम संयोजक: खोप गुरुङ (what’s app 98771551)
