कुवेतमा सन् २००९ मा स्थापना भएको तनहुँ सेवा समाजले आदिकवि भानुभक्त आचार्यको २१२ औं जन्म जयन्तीको अवसर पारेर साहित्य सम्बन्धि लेख,रचना र रामायण वाचन सहित आफनो बार्षिक उत्सव ११ जुलाई २०२५ शुक्रवारको दिन गरिने समाजका अध्यक्ष सोम खत्रीले जानकारी दिएका छन ।
तनहुँ सेवा समाज कुवेतले स्थापना काल देखिनै बिभिन्न खालका सामाजिक कार्यमा कर्तब्य निष्ठ भई स्वदेश तथा विदेशमा कहिले ब्याक्तिलाई, कहिले समुहलाई,कहिले गाउँसमाज लाई भने कहिले दैबी प्रकोप पिडितहरु लाइ हरेक किसिमको सहयोग गर्ने र परिचयात्मक बातावरणको सिर्जना गरी सामाजिक सद्भाव बढाउने र अन्य नेपाली समाजसँग सहकार्य गर्दै आएको छ ।
उक्त दिन कुवेतमा कृयाशिल सम्पूर्ण नेपाली सँघ संस्थाका अध्यक्ष / प्रतिनिधि, पत्रकार, कलाकार, खेलाडी, व्यवसायी, र तनहुँबाट कुवेतमा आई कार्यरत रहेका तनहुँवासी साथै नेपाली दाजुभाई तथा दिदिबहिनिहरु लाई कार्यक्रममा उपस्थित भई शोभा बढाईदिन साथै उक्त दिन कुवेतमा रहेका नेपाली संघ सस्थाले कुनै पनि कार्यक्रम नजुधाईदिन पनि अध्यक्ष सोम खत्रीले अनुरोध गरेका छन ।
