काठमाडौं – आज २०८१ साल चैत ९ गते शनिबार चैत कृष्ण पक्षको अष्टमी तिथि। तदनुसार सन् २०२५ मार्च २२ तारिख। विश्व जल दिवस तथा गोरखकाली पूजा परेको छ। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। खबरहबका लागि ज्योतिष पण्डित सूर्यनाथ लुइटेलले तयार पार्नुभएको आजको फलादेशः
मेष : दिन राम्रो छ। शिक्षाको लगानीबाट फाइदा हुनेछ। विदेशमा भन्दा स्वदेशका अवसर देखेर मन खुशी हुनेछ। राज्यको तर्फबाट त्रास बढ्ने भएकाले व्यवहार गर्दा सचेत बन्नुपर्नेछ। परिवारसँगको सम्बन्ध सुमधुर बन्नेछ।
वृष : बोलीमा सरस्वतीको बास भएकाले परोपकारका लागि बोल्दा फाइदा हुनेछ। परिवारको साथ र सहयोग प्राप्त हुनेछ। राज्यको तर्फबाट सेवाको अवसर मिल्नेछ। प्रेम सम्बन्ध सुमधुर बन्ने योग छ।
मिथुन : परिवारसँगको सम्बन्ध सुमधुर बन्ने छ। शिक्षाको क्षेत्रमा गरेको लगानीबाट फाइदा हुनेछ। प्रेम सम्बन्धमा सुधार हुने छ। रोगको उपचारमा भए स्वास्थ्यमा सुधार हुने छ।
कर्कट : दिन राम्रो छ। परिवारले भन्दा बाहिरका व्यक्तिले प्रशंसा गर्नेछन्। व्यापारमा गरेको लगानीबाट फाइदा हुनेछ। शिक्षामा मिहिनेतको फल प्राप्त हुनेछ। परिवारको साथ मिल्नेछ।
सिंह : दिन राम्रो छ। लगानी गर्न हिम्मत गर्नुपर्ने समय छ। साथीको साथ मिल्नेछ। शिक्षाको क्षेत्रमा गरेको प्रयास सफल बन्नेछ। परिवारसँग बसेर रमाइलो गर्ने अवसर मिल्नेछ।
कन्या : दिन राम्रो छ। लगानीका क्षेत्रमा फाइदा हुनेछ। स्वास्थ्यमा सुधार हुनेछ। परिवारसँग रमाइलो गरेर दिन बित्नेछ। प्रेम सम्बन्ध सुमधुर बन्नेछ। साथीले सहयोग गर्नेछन्।
तुला : शिक्षाको क्षेत्रमा गरेको लगानीमा मिहिनेत गर्नुपर्नेछ। विपक्षी साथीले हरेक काममा साथ दिनेछन्। खानपानमा ख्याल नगर्दा स्वास्थ्यमा समस्या हुनसक्छ। यात्रा गर्दा सचेत बन्नुपर्ने दिन छ।
वृश्चिक : लगानीका क्षेत्र प्रशस्त भएकाले लगानीमा हिम्मत गर्नुपर्नेछ। स्वास्थ्यमा सचेत बन्नुपर्ने समय छ। शिक्षाको क्षेत्रमा प्रगति हुनेछ। लगानी गरेको भए फाइदा हुने योग रहेको छ। धार्मिक भ्रमण तय हुनेछ।
धनु : आज तपाईंको बोलीको प्रभाव रहनेछ। बोलीकै कारण राम्रोको कामको सुरुवात हुनेछ। स्वास्थ्यमा देखिएको समस्यामा सुधार हुनेछ। वैदेशिक रोजगारीमा ठग सक्रिय भएकाले सचेत बन्नुपर्नेछ।
मकर : दिन राम्रो छ। राज्यको तर्फबाट सेवाको अवसर मिल्नेछ। गुरुबाट पाएको सुझाव अनुसार अगाडि बढेमा दैनिकी सहज बन्नेछ। विपक्षीलाई साथ लिएर राम्रो काम गर्नुपर्नेछ। प्रेम सम्बन्ध सुमधुर बन्नेछ।
कुम्भ : बौद्धिक क्षेत्रमा गरेको लगानी सफल बन्नेछ। नयाँ कुराको आविष्कार गर्ने अवसर प्राप्त हुनेछ। खानपानमा ख्याल नगर्दा स्वास्थ्यमा समस्या हुनेछ। परिवारसँगको सम्बन्ध सुमधुर बन्नेछ।
मीन : मध्य साढेसाती दशाको प्रभाव रहेकाले हरेक कुरामा बाधा आइपर्ने जोखिम छ। धार्मिक कार्यमा सहभागी भएर दिनको सुरुवात गरेमा सोचेको काम बन्नेछ। परिवारको साथ र सहयोग मिल्नेछ। प्रेम सम्बन्ध सुमधुर बन्नेछ।
