कुवेत। उदयपुर मिलिजुली समाज कुवेतले “रक्तदान जीवन दान” भन्ने उद्देश्यसहित जनवरी ९, शुक्रबारका दिन वृहत् रक्तदान कार्यक्रम आयोजना गर्ने भएको छ।
सेन्ट्रल ब्लड बैंक, जाब्रिया मा दिउँसो १ बजेदेखि ५ बजेसम्म सञ्चालन हुने कार्यक्रममा कुवेतमा रहेका नेपाली समुदाय तथा इच्छुक सबैलाई सहभागी हुन समाजले आह्वान गरेको छ। अस्पतालमा रगतको अभाव कम गर्न र सामाजिक उत्तरदायित्व पूरा गर्न कार्यक्रम आयोजना गरिएको समाजले जनाएको छ।
अध्यक्ष मोहन लुइटेल (५५०४७६८०), उपमहासचिव बिनोद अधिकारी (६०७९७५१५) र सचिव रमेश शिलवाल (५५९०७०९४) ले सबैलाई उपस्थित भई पुण्य कार्यमा सहभागी हुन अनुरोध गरेका छन्।
