कुवेत – नेपाल तामाङ घेदुङ कुवेतको आयोजनामा मञ्जुश्री संवत् २८६२ ता ल्हो (घोडा वर्ष) को अवसरमा सोनाम ल्होछार कुवेतमा बृहत् सांस्कृतिक कार्यक्रम हुने भएको छ ! कार्यक्रम आउँदो फेब्रुअरी १३, २०२६ शुक्रबार दिउँसो १ बजे जिलिबस्थित एस्पायर इन्डियन स्कूलमा आयोजना गरिने नेपाल तामाङ घेदुङ कुवेतका अध्यक्ष पेमा लामा ब्लोनले जानकारी दिनुभएको छ !
यस वर्षको ल्होछार उत्सवको मुख्य आकर्षण नेपालबाट आमन्त्रित चर्चित अतिथि कलाकारहरूको प्रस्तुति रहने बताइएको छ ! तर, कुन कलाकारहरू कुवेत आउने भन्ने विषय भने अझै सार्वजनिक गरिएको छैन। मनकामना मिडियासँग कुरा गर्दै अध्यक्ष लामाले कलाकारहरू फिक्स भइसकेपछि मात्रै सार्वजनिक गरिने बताउनुभयो। “कलाकारहरू निश्चित भएपछि हामी विस्तृत जानकारी दिनेछौं,” उहाँले भन्नुभयो !
कार्यक्रममा तामाङ समुदायको परम्परागत संस्कृति, नृत्य र संगीतको भव्य प्रस्तुति हुने आयोजकले जनाएको छ। कुवेतमा रहेका नेपाली समुदाय, विशेष गरी तामाङ समुदायले यस वर्षको ल्होछार उत्सवलाई विशेष रूपमा मनाउने तयारीमा रहेको बताइएको छ !
