कास्की जिल्ला अदालतले रवि लामिछानेसँग ६५ लाख धरौटी माग गरेको छ।
न्यायाधीश नितिज राईको इजलासले उनलाई धरौटीमा रिहा गर्न आदेश गरेको हो।
पोखरामा रहेको सूर्यदर्शन सहकारीको रकम गोरखा मिडियामा लगेर दुरूपयोग अभियोग रविमाथि छ ।
पूर्वगृहमन्त्री समेत रहेका लामिछाने गोरखा मिडियाका तत्कालीन प्रबन्ध निर्देशक हुन् ।
सहकारी ठगीको अनुसन्धानका शिलशिलामा लामिछाने कात्तिक २ गते काठमाडौंबाट पक्राउ परेका थिए ।
सम्पत्ति शुद्धीकरण मुद्दा समेत दायर गरिएपछि लामिछाने पुस १४ गते सांसद पदबाट निलम्बनमा परेका थिए ।
सहकारी ठगी र सम्पत्ति शुद्धीकरण समेत ३१ करोड २६ लाख मागदाबीसहित लामिछानेविरुद्ध अभियोजन गरिएको थियो ।
रविसँगै गोरखा मिडियाका तत्कालीन सञ्चालक पूर्व डीआईजी छविलाल जोशीलाई पनि थुनामा पठाउन आदेश भएको छ ।
लामिछानेविरुद्ध स्वर्णलक्ष्मी सहकारी ठगी सम्बन्धमा काठमाडौं जिल्ला अदालतमा समेत मुद्दा दायर भइसकेको छ ।
बुटवलको सुप्रिम सहकारी, वीरगञ्जको सानो पाइला र चितवनको सहारा सहकारी ठगी सम्बन्धमा प्रहरीले लामिछानेसँग बयान लिइसकेको छ ।
