कुवेत । कुवेतमा निरेम प्रोडक्सनको आयोजनामा २०२५ को ‘भ्यालेण्टाईन डे’ अर्थात प्रणय दिवस तथा स्थानीय पर्व ‘हाला फेब’ को अवसर पारेर ‘निरेम म्युजिक फेस्ट २०२५‘हुने भएको छ ।
युवा वर्गले फेब्रुअरी दोस्रो साताभरी मनाउँने प्रणय दिवसको अवसर पारी कुवेतमा स्थापित निरेमले ‘टिनएज’ नेपाली समूदायलाई लक्षित गर्दै प्रणय उत्सव लक्षित सांगीतिक उत्सव गर्न लागको हो । पूर्वघोषित मिति अनुशार फेब्रुवरी १४ तारिक हुने भनिएको उक्त उत्सव प्राविधक कारणले गर्दा एकसातापछी अर्थात फ्रेब्रुअरी २१ मा जिलिवस्थित एस्पायर स्कुलमा हुने निरेमले जनाएको हो ।
कुवेतमा साताब्यापी रुपमा मनाईने स्थानीय उत्सवको पर्व ‘हाला फ्रेब्रुअरी’ लाई समेत समेट्नेगरी यो सांगीतिक उत्सव गर्न लागिएको निरेम सांगीतिक उत्सव २०२५ का संयोजक सुरेन्द्र लिम्बुल बताए । लिम्बूका अनुसार कार्यक्रमको तयारी तिब्र रुपमा भैरहेको छ भने सो सांगीतिक प्रस्तुतीका लागी नेपालबाट आउने कलाकारहरुको नामावली टुंग्निने प्रकृयामा छ । कलाकार र कार्यक्रमको पोस्टर छिट्टै सार्वजनिक गरिने संयोजक लिम्बुले बताए ।
