काठमाडौं । कवाड व्यवसायी संघर्ष समितिले रिङरोडभित्रका कवाड हटाउने निर्णयको विरोध गर्दै बुधबार पनि काठमाडौंमा प्रदर्शन गरेका छन् ।
बुधबार उनीहरु काठमाडौंको माइतीघरदेखि नयाँ बानेश्वरसम्म विरोध प्रदर्शन गरेका हुन् । छोटे राजाहरुको आतंक बन्द गरौं, कवाड व्यवसायीहरुको रक्षा गरौं भन्ने व्यानरका साथ प्रदर्शनमा उत्रिएका व्यवसायीहरुले आफूहरुको रोजीरोजी बन्द नगर्न माग गरेका थिए ।
