कुवेत – एशियन फेन्सिङ्ग च्याम्पियनसिपका लागि फेन्सर अनिता कार्की र अनिता अधिकारी कुवेत आउने भएका छन ।
कुवेत फेन्सिङ्ग महासंघको आयोजनामा यही जुन २१ देखी २७ सम्म कुवेतस्थित शेख शाड् अल अब्दुल्लाह स्पोर्ट कम्पलेक्समा हुने एशियन फेन्सिङ्ग च्याम्पियनसिपका लागि फेन्सर अनिता कार्की र अनिता अधिकारी कुवेत आउन लागेका म्याराथन धावक नारायण श्रेष्ठले जानकारी दिएका छन ।
नेपालमा फेन्सिङ धेरैले नचिनेको ओलम्पिककै एउटा पुरानो खेल हो । तर नेपालमा भने यो खासै परिचित नभएता पनि अहिले भने यो खेल परिचित हुदैछ । नेपालमा फेन्सिङको इतिहास अन्य खेलको भन्दा छोटो छ । नेपालमा सन् २०१० को डिसेम्बरबाट यो खेल खेल्न शुरु गरिएको हो । खेलाडी झट्ट हेर्दा अन्तरिक्षयात्री जस्ता देखिने अनुहारमा जाली आकारको बलियो मास्क र करेन्ट बग्ने कपडा लगाएका हुन्छ्न । मार्सल आर्टस विधाको तरबारबाजी जस्तै देखिने यो खेलको नाम फेन्सिङ हो । यो खेलमा एउटा खेलाडीको तरबारले अर्को खेलाडीको सुचालक कपडा छोएमा अंक पाउँछन् । त्यसैका आधारमा हार जित हुन्छ । फेन्सिङ तीव्र गतिमा खेलिने खेलमध्येको एक खेल हो ।
फेन्सर अनिता कार्की र अनिता अधिकारीले राष्ट्रिय तथा अन्तर्राष्ट्रिय स्तरमा उत्कृष्ट खेल प्रदर्शन गर्दै पदक जित्न सफल भईसकेका छन । बि.स २०७४ मा विराटनगरमा भएको सातौँ राष्ट्रिय खेलकुदमा एपीएफ टोलीको प्रतिनिधित्व गर्दै फेन्सर अनिता कार्की राष्ट्रिय प्रतियोगितामा डेब्यु गरेकी थिइन् । भने उनले सन् २०१९ मा इटालीमा भएको १३ औं समर युनिभर्सियाडबाट अन्तर्राष्ट्रिय प्रतियोगितामा शुभारम्भ गरेकी थिइन् । त्यस्तै अनिता अधिकारी पनि एपीएफ कै टोलीमा आबद्द छिन । उनले १९ औं एसियाली खेलकुदको फेन्सिङमा सहभागिता जनाई सकेकी छिन ।
![hfh/sf]6 s'z]ufpFkflnsf % ko{6sLo If]q kfFrsfl6ofdf lxpF k/]kl5 ;]tfDo ePsf] 5 . t:jL/ M x]dGt s];L,hfh/sf]6,/f;;](https://manakamanaupdate.com/wp-content/uploads/elementor/thumbs/snow-Jajarkot_9noOlig9zg-qzoqz1kve1iujwl5ngz2nbep2xtncj5832azsotfbk.jpg "snow-Jajarkot_9noOlig9zg.")
